Konaba Ami

HISTORIA ORGANIZASAUN LOSPALOS UAN UKANI

Organizasaun Lospalos Uan Ukani hanesan kontinuasaun husi Inaquery ne’ebe anteriormente permanese hanesan kolesaun ou akumulasaun estudantes universitarios ka universitarias ne’ebe baseada iha bandung ho nia arredores.

Iha Korpu Kolesaun inaquery, ejiste konselu balun ne’ebe eleitus husi konformidade ho vontade no responsabilidade atu halao ou kumpri disposisaun ne’ebe atribuídas ona liu husi fórum nomos konselu Ejecutivu pessoal ka Presidente.

Fundamentu kolesaun inaquery hases an ou independente husi organizasoes formais,no sai hanesan deit akumulasaun ba estudantes universitarios/as lospalos iha sidade bandung, ho objetivu atu haforsa identidade lospalos liu husi termo unidade.

Husi fundamentu hirak ne’ebe iha leten maka insentiva no hamosu ideias ou aspirasoes husi estudantes universitarios/as lospalos hodi konfigura organizasoes formais, ida maka Organizasaun Lospalos Uan ukani.

1. Organizasaun Lospalos Uan Ukani sai hanesan organizasaun ba estudantes universitários/as ne’ebe baseada iha bandung.
2. Organizasaun Lospalos Uan Ukani iha vijaun no missaun ne’ebe tenke halao tuir akordo no rekomendasaun ne’ebe determina ona iha Reuniaun geral.
3. Organizasaun Lospalos uan ukani konfigura nia estatuta rasik.

Iha tinal balun liu ba, antes hari organizasaun formais Lospalos Uan Ukani Bandung, Kolesaun inakery ezekuta aktividade balun ne’ebe ho objektivu atu anima no kapasita malu hodi hametin nafatin identidade lospalos liu husi termo unidade.

Depois de ida ne’e, iha dia 27 de dezembru de 2014, estudantes universitario/as lospalos iha bandung tur hamutuk fila fali hodi eziste organizasaun formais ida mak ho naran Losplaos uan ukani.

Depois de eziste tiha ona organizasaun refere, Lospalos Uan ukani lao ho visaun no misaun tuir prosedura organizasaun ne’ebe iha.

Durante tinan balun nia laran, organizasaun Lospalos uan ukani bandung halao programa servisu liu husi aktividade:

1. Desporto

2.Diskusaun

3. Paseio

4. Partilhasaun esperiensia i nomos

5. Reuniaun geral no Reuniaun extra ordinaria

Aktividades hirak ne’ebe mencionadu lao ho sucessu tuir esperansa organizasaun, iha parte balun ne’ebe failha hetan ona avaliasaun husi organizasaun.

Organizasaun Lospalos uan ukani hetan legalizasaun ezistensia waihira ezekuta Reuniaun geral, ho nune’e, iha loron domingo, dia 10 de dezembro 2015 forum Reuniaun geral deside ona katak:

1. Organizasaun Lospalos uan ukani iha ona direito atu lao ho nia estatuta no regimento interna rasik.

2. Organizasaun lospalos uan ukani permanese ona hanesan organizasaun Formal.

3. Organizasaun lospalos uan ukani permanese ona hanesan organizasaun Legal.